Para sa mga umiinom ng serbesa, isang tagay sa ating lahat.
Maraming salamat Sir Coroza at may mga katulad mong kayang isatula ang mga bagay na hindi ko kayang isulat.

-----------------------------------
ALAK

Ang alak anila'y gamot-pampalimot,
Epektibong lunas sa sama ng loob,
Bisa'y talab agad, lagok lang nang lagok
Hanggang sa manghina't ang diwa'y mag-antok.


Ano kung mag-amoy tsiko at magpungay,
Ngumawa't sa kalye'y magpasuray-suray;
Ano kung litisin ng makatatanaw.
Bigat ng dalahi'y hindi niya alam.


Kagabi, nagsayaw pati poste't bato.
Sambote'ng nabasag sa paghalakhak ko;
Nang tiyan ko'y halos pumutok na lobo,
"Sinuka ko pati ang aking pustiso.


Ay! Sana kagabi nang ako'y masuka,
Napatapon na rin ang 'yong alaala.

ni Michael M. Coroza